Ngā Ataata


He mea whakatakoto ēnei ataata uiui i ngā tirohanga rerekē ki ngā pānga o Te Pakanga Tuatahi o te Ao.

Ka kōrero a Monty Soutar mō ngā pānga o te Pakanga Tuatahi o te Ao ki te tuku ih

Ka kōrero a Monty Soutar mō ngā pānga o te Pakanga Tuatahi o te Ao ki te tuku ihotanga me te tuakiri o ngā hōia me ō rātou hapori, ā, nā konā i tū ai te Aotearoa e mōhiotia ana i tēnei wā.

 
Ka kōrero a Matutaera Herangi mō tōna tupuna kuia, mō Te Puea Herangi. Nāna i ār

Ka kōrero a Matutaera Herangi mō tōna tupuna kuia, mō Te Puea Herangi. Nāna i ārahi te whakahētanga o Waikato ki te Pakanga Tuatahi o te Ao, ā, e pāngia tonutia ana e Waikato i tēnei wā nei. I mautohe rātou ko ngā tāne kāore i hiahia ki te pakanga mō iwi kē atu, mō te kāwanatanga nā rātou tō rātou whenua i muru, i mawehe hoki i tō rātou iwi. Heoi, ka hīkaikai ake te kāwanatanga me tā rātou he iwi whakatumatuma, he kaikaiwaiū hoki a Tainui, nā reira i whakaturetia ai te tū o ngā Māori o Waikato-Maniapoto rohe anahe hei kaikawe riri mā Aotearoa.

 
Ka kōrero a Te Waari Carkeek mō tōna koroua, mō Rikihana Carkeek. He rangatira a

Ka kōrero a Te Waari Carkeek mō tōna koroua, mō Rikihana Carkeek. He rangatira a Rikihana Carkeek nō Ngāti Raukawa, ā, he hōia i te Ope Māori, i te Ope Tuatahi o Aotearoa hoki. I tuhi kōrero ia ki tana hautaka e mātua whakaari ana i ngā wheako mārika a ngā hōia Māori i Te Pakanga Tuatahi o te Ao. I tata te hinga, te taotū rānei o te katoa o tana ope kawe pū i Karipori, i te ekenga ki Chunuk Bair. I hoki ora atu a Rikihana Carkeek hei āpiha i ngā ekenga ki Karipori, ki Te Rohe Pakanga ki te Uru. I tāngia āna hokinga mahara i te pukapuka Home Little Māori Home i muri mai i tana rironga.

 
 
Ka kōrerohia e Tinokura Tairea te wāhi ki ngā tāngata Kuki Airani i Te Pakanga T

Ka kōrerohia e Tinokura Tairea te wāhi ki ngā tāngata Kuki Airani i Te Pakanga Tuatahi o te Ao, tō rātou hononga ki Te Ope Māori me te whakarewatanga o Te Ope Rarotonga. Ka whakahoki mahara hoki ia ki ngā pānga o Te Pakanga Tuatahi o te Ao ki ngā moutere Kuki Airani me ngā tāngata Kuki Airani i Aotearoa.

 
Ka kōrero a Monty Soutar mō ngā pānga o te ture puruma ki te tuku ihotanga me te (external link)

Ka kōrero a Monty Soutar mō ngā pānga o te ture puruma ki te tuku ihotanga me te tuakiri o ngā hōia me ō rātou hapori, ā, nā konā i tū ai te Aotearoa e mōhiotia ana i tēnei wā.

 

 
Ka kōrero a Tauanu’u Perenise Tapu mō te wā i nōhia ai te whenua o Hāmoa o Tiama

Ka kōrero a Tauanu’u Perenise Tapu mō te wā i nōhia ai te whenua o Hāmoa o Tiamana e ngā ope taua o Aotearoa me tōna pānga ki te pāpori o Hāmoa i taua wā me nāianei tonu nei. Ka whai whakaaro hoki ia ki te wā o muri i te pakanga, i a Hāmoa e whai mana motuhake ana, tērā i kōkirihia e te kapa Mau.

 
Ka matapakihia e ngā ringa toi nei te komitinga o te rongomau me ngā mahi toi i (external link)

Ka matapakihia e ngā ringa toi nei te komitinga o te rongomau me ngā mahi toi i te horopaki o te whakakitenga ‘Disrupting the Narrative’ i te mutunga wiki ANZAC. He whakakitenga tēnei e tūhura ana i te wairua whakahē i te whai wāhi o ngā tāngata o Aotearoa i Te Pakanga Tuatahi o te Ao.

 
  • Tāngia.
  • Tiritiria.